Ko'zi ko'r kibersportchi master-klass ko'rsatdi

O'yindagi vaziyatni ko'rmay ekrandagi qahramonni boshqarish qiyin. Ammo bazi o'yinchilar buning aksini isbotlay olishlari mumkin. SHu kunlarda Sven nikli Gollandiyalik ko'zi ko'r geymer Ispaniyadagi Street Fighter V turnirida ko'pchilikni hayratlantirdi.

Sven quloqchindagi tovushlarga etibor berib, uch raundlik bahsda g'alabaga erishdi. Ken qahramonini tanlagan bu kishi Akuma bilan jang qilgan sog' raqibini taslim eta oldi. Sven raqibini yaqinroq ushlab, kombo-hujumlarda to'g'ri zarbalarni tanlay oldi.

"Street Fighter V"da ovozlardan ko'p narsani payqash mumkin. Quloqchinlar bilan o'ynab, raqib qaysi tomondaligini bila olaman. Qahramonlar zarba berayotganda, ularning tovushi turlicha chiqadi. Ko'p mashq qilsangiz, bu tovushlarni yodlab olishingiz mumkin" - deydi Sven.

TAS-IX emas

Geymerning so'zlariga ko'ra, u 5 yoshida ko'rish qobiliyatini yo'qotgan. Ammo "Street Fighter II" o'yini chiqqanidan so'ng, ovozlarga tayanib ushbu o'yinda o'zini sinab ko'ra olishini sezib qolgan.